由《大玩特玩》，到《暑假玩到盡》，
其實呢類遊戲節目，我自己好鍾意做，
一來觀眾...

由《大玩特玩》，到《暑假玩到盡》，
其實呢類遊戲節目，我自己好鍾意做，
一來觀眾睇得開心，二來自己都樂在其中。

最新呢一輯嗰幾集，收視同口碑都非常好，
喺資源緊拙嘅情況下錄得17、18點收視，
網上討論區同社交平台都得到好好嘅正評，
每次做完一集，都會收到好多朋友嘅短訊，
佢哋會話「好好笑」「一家人睇到好開心」，
對於我哋所有有份參與呢個節目嘅台前幕後，
呢個就係最好最好嘅回報。

希望電視台好快再製作新一輯嘅遊戲節目，
令觀眾可以得到好開心嘅免費娛樂。

再一次，多謝大家支持，後會有期。

---